Oct 12, 2013

19 months later ...

١٩ شهر 
وايد أشياء حلوه صارت بحياتي
لقيت اخر احد كنت أتخيل بلحظه أنه يكون شريك حياتي و نصي الثاني

"كل شي خيره" ما فهمت معناها الا معاه 
كل شي صار بحياتنا صار عشان يجمعنا ببعض 
 
كل شي صار بسهاله الحمد لله 

"الزواج مسؤليه الزواج تعب الزواج مشاكل هواش الزواج من مثل الأفلام و المسلسلات من كل شي بالزواج كامل"
اللي يقولكم هال كلام جذاب طول مافي تفاهم و حب كل شي حلو و كله السوالف ما راح تشوفونها
حياتكم يمكن تصير أحلى من الأفلام بعد 💙❤️ 

 
بهال١٩ شهر صار عندنا ٨ حيوانات مو بنفس الوقت طبعا 



بهال ١٩ شهر لقيت نصي الثاني و قبل شهرين نورت حياتنا بنتنا أسيل 
و كالعادة اول شي يقولونه الناس 
"اليهال تعب أذيه مسوؤليه ما راح تقدرون عليها يبيو خدامه شلون بتجابلونها"
كله كلام فاضي أحلى شهرين وياها 
و أحلى عيشه عايشينها وياها


وايد أشياء بال١٩ شهر بوست واحد ما يكفيها 

Mar 31, 2012

متفرقات

بسم الله 


اول موضوع يا ببالي و كل ما بكتب عنه اتعييز 
بيتنا احترق قبل رمضان 
كان حتةَ اكشن انما ايييه !! 
الحمد لله طلعنا سالمين بلا اضرار 
السبب تماس كهربائي بغرفة الخدامه 
المشكله كان نص الليل بس والله اليران كان فيهم الخير نص الليل حريم و رياييل كلهم طلعولنا و كل من يبي يدخلنا عندهم 
و اللي ييب الماي و اللي يجابل ابوي و اخوي 
كان فيهم البركه 
و اهم شي ان المطافي اللي يايين ما كان عندهم لا ليت ولا كمام اول شي مووو صج !! 

اول مره احس بحنين للبيت بهالطريقه قعدنا شهر ببيت عمتي وكل يوم كنت اشتاقله اكثر 
صج حسيت هالجمله "بيتي يا بعد كل بيت" 
 
----------------------------------------------


و ردينا نرسم 
اول رسمه جاك الحب 
تعييزت اكمله 
 و ثاني رسمه يدي الله يرحمه



و جم خربوشه 





----------------------------------

فيلكا ايلاند 

و رحت فيلجا اول مره بحياتي كان وناسه 

استمتعنا بوقتنا حلووه الروحه ويا يمعه الاهل 

هذي السفينه اللي تشيل السياييير 

 


ووصلنا الشاليه 


احلى شي بالشاليهات انهم على نظام بيوت اول البيبان الغرف السطح كل شي 








و رسمت على ويووه اليهال 











كسر خاطري عقب ما سويتله ياه شكله جنه مطقوق بكس  و اللي تحته هلو كيتي معصبه 

 

و بقيه الرحله , الحيوانات المتحف الاثار الموجوده من الغزو حسافه ما دشيت داخل البيوت و هالسوالف المهدمه 








طبعا مهدمين المقام بس يبين مكانه 




 و انتهت الرحله  
احلى شي يمعه الاهل و ما تحاتون اليهال المكان ملموم 





-------------------------------------------


Jun 14, 2011

المزاج

عجيب شلون الواحد يتغير كل سنه عن الثانيه ...
ابسط شي ....
يعني من ملابس لي مكيااج لو تشوفون شكنتو لابسين قبل 10 سنين يمكن تقولون شلون كنا لابسينه 
و حتى الأغاااني
الافلام المسلسلات كل شي !

حتن بالربع الرفيجات التفكير بكل شي
كل شي يتغير ,,,, 

بمراحلي العمريه :P 
>اهم شي المراحل< 

مرييت بوايد تغيراات اقل شي خل ناخذ الاغاااني 
من و انا ياهل لي اللحين ذوقي بالاغاني تغير و تغير حييل 


من فتره الطفوله لي عمر 11 12. كانت هذي اغانيي 
هدى حسين  و يا الله شكثر كنت احب هالمره 

ميامي تكفه منو ما يحبهم ! 




و بعدها دشينا مرحلة المراهقه اعسر مرحلة بحياااتي 

اول stage <<< احلى شي الstage =P 

بدايه الاغاني الرمنسيه
و على ايامي كان 

توه طالع 
و The Black Eyed Peas توهم طالعين 


و كأي مراهقه كويتيه  راشد الماجد  كان له النصيب الاكبر 



و ثاني مرحله و اعتقد انها الاخطر فيهم !! I'm a gangster 
كنت وايد اطالع افلام عصابات و هذا حزتها و تأثرت شوي وايد بالسالفه :P 
وعديت روحي منهم 

بهالمرحله ما كنت اسمع الا Eminem
و اهو كان البطل بالنسبه حقي و طبعا فلمه 
8 mile 
شفته فوق ال30 مره


كان المناضل والمحارب القوي :P 

وما الى ذلك من هالنوعيه الطيبه من المغنيين 


بعدين المرحله الثالثه 
المرحله الثانيه كانت عسره الثالثه اذا في كلمه اعسر من عسره 
Rock N' Roll 


و اللي كانو توهم طالعين هبيت فيهم هبه مو صج 



طبعا هالمرحله كانت اعسر من السابقه لان كنت وايد متأثره فيها -.-"
مو بس الاغاني
بس الحمد لله عدت بخير و سلامه =D 


الله لا يعيدها من ايام  

واللحين عقلنا :P المرحله الرابعه و اعتقد الاخيره 

وان بعتها بعتها 

--------------------------

من كل هالقرقه اللي بوصله ان الواحد يمكن تمر عليه فترات يسوي شي بوقتها
   بس بعدين يوم يرجع يمكن يضحك على روحه و على خياراته السابقه,, 
يمكن يندم ,, 
بس
every things happen for a reason 
عشان نتعلم او نجرب 
 و بعدها نشوف اذا لازم نتغير او نظل مثل ما احنا 
بعض الناس تتغير بسرعه و بعضهم يطول و بعضهم ما يتغير 
ماكو شي يظل مثل ما اهو 
حتن الناس لو شنو كانت علاقتك فيهم كل شي يقدر ينتهي بلحظات 
برمشة عين 
وغير العلاقات 
في اشياء وايد ودنا لو كنا محتفظين فيها بس هم لازم تتغير 
جم واحد وده يرجع ايام "الطفوله" احلى الايام و الكل يبي يردلها 
يمكن لان فيها ما نفكر بشي و مخنا يكون خاالي 
اكبر همومنا شنو بنلعب و يا منو 
اللحين حتى اللعب نحسب له الف حسااب ....... 
.... 
في اغنيه حلوه حق احمد الهرمي 
يقول فيها
مرت الأيام والحلم أنهدم 
لو ندمت الحين وش يفيد الندم
..
مابقالي شي غير الله يعين
آه لو أرجع بعمري كم سنه
..
كان أصير أنسان ثاني مو أنا
كان أصلح كل غلطات السنين 

يمكن اشياء سويناها نندم عليها . بس عقب شنو! 

و السؤال هني لو رجع فيكم الزمن هل كنتو ما راح تعيديون نفس الاشياء اللي سويتوها ؟
ما اعتقد 
بس كل انسان وده 
يكون عنده هالاله السحريه اللي ترجع الوقت و كل شي يتصلح جنه ما صار شي 
بس مو كل شي نبيه نقدر نحصله 
... 


The End 


Jun 11, 2011

أكل

سو اليوم كان اخر امتحان فاينل و خلصت 
و يااي الصيفي بعد 8 ايام 
اهو وناسه الدراسه بس الامتحانات ويع 

احلى شي فترة الامتحانات تطلع المواهب المخفيه بالواحد 
من الملل 

طبعا تعدل دارك 600 مره و ماكو مكان ما تحوس فيه و ماكو قناة ما شفتها و ماكو موقع ما دشته و خصوصا عقب ما صكرت الفيس بوك و التويتر 
]سؤال سريع : شنو في بالنت غير الفيس بوك[
المهم فقزرتها طبااخ 

اول شي  كنا بعزيمه و لا اذوق شي من ام وهابي 
تعرفون لمن تذوقون شي و تقولون الله !!! جي صار فيني 
و ماكو احد ما قتله ذوقووه كان عجيب 
المهم خذيت الوصفه منها 
اهو spanish dip 
مثل اللي ب applebees 

فقلنا يالله خل نطبخه اهو مجرد اشياء تحطونها مع بعض و بالفرن 
و guess what 
خربته :( 
و صار فيني احباااط 
بس لااا يوقف 
قلت بسوي 
peanut butter fudge 
طعمه يصير مثل ككاو سنيكرز "زبدة الفول السوداني" اللي داخل 
 و سويته و طلع طعمه عجيب 
و شكلي بلوع جبدهم فيه كل يوم بسوي (A)





ونااااسه سويته المغرب بليل خلص 
من كثر ما كان حلو 
 فرد لي اللهام الطبخ اعتقد راح يصير لي مستقبل بهالموهبه :P


--------------------------------------


ككاااااااااااو 

صارلي فتره معلقه على 

galaxy dark 


كنت حارمه روحي من الككاو فتره طويله و من هالسوالف بسبب حب الشباب 
بس تعالجت واللحين قاعده اعوض النقص =D 
والله ما كان عندي سالفه يوم حرمت روحي 
---------------------


 
انا عقب ما اكثر اكل