RANDOM من حيااتي

هالبوست حطيته لان صارلي فتره اتابع بلوق الاخ قلم و مساحه و شووقني  :) ثاانكس قلم و ما شاء الله عليك لا توقف ابداع

في ناس يخافون من الحيوانات  ما ادري ليش

طول عمري وانا احب الحيوانات بجميع انواعها 

يعني عادي عندي اشوف قطوه او جلب و انتو بكرامه بالشارع اقرب صوبه بدون ما اخاف منه 

بس لا تحطون جدامي هالحشران اهم الوحيدين اللي اخاف منهم (الزهيوي - العنكبوت)

حتى النحل ما اخاف منهم

 و خلال مراحل حياتي كان عندنا وايد

"pets"

بلابل _ كاسكو_حسون_ ترمه "يصير نفس لاصقر"_ ارنب_جلاب_مينا

هذا اللي اذكره :p

أكثر شي طيور لان ابوي يكره الاشياء اللي عندها فرو يقول وصااخه :(

حاليا عندي كاسكو

اسمه UGLY :D

هالكاسكو قصته قصة المسكين

اهو حيوان اليف ظريف فيه من البراءه ما في غيره من الحيوانات

اهو كاسكو بس مو اي كاسكو

هالكاسكو عانى الكثير و الكثير من و اهو فرخ خذوه من حضن امه و ابوه

و حرموه براءه الطفوله و باعوه

يابه ابوي بيتنا و قعد سنه كامله جنه غريب محد يكلمه ولا شي كان منبوذ من العايله

 

ليييييين !! يوم من الايام عطانا ابوي محاظره عائليه بسيييييييييييطه جداااا :$ و جم زفه

ان ليش مهملينه

 

ومن يومها و احنا نجابله و صار واحد من العايله 24 ساعه برا القفص كله واقف فوقه بكل براءه يمكن اليهال ما عندهم براءته هالمسكين المظلوم

"اللللللللللللللللله يساااااااااااااااااااامح اللي ظلمته"

فيه انفصام بالشخصيه

 

يعني بعض المرات عباله انه صقر و مره ان جلب تشوفه على الارض و بس يبي يهجم و مره قطوه يقعد يقول مياو مياو :"( و مره عنكبوت يتعلق و مره شاذي

"my kasko ate my homework :P"

يعني فوق انه حارمينه من اهله و فوق ان بايعينه و سنه كامله كان منبوذ مريض نفسي

من العقد اللي فيه حيااتي قام ينتف ريشه

طبعا تعود علينا و قام يصعد فوق بروحه اذا سمع صوتنا و يقعد فوق الديرابزين بس ان يكون معانا ما يبي يقد ببروحه

و ارد اكرر طول هالفتره ما حبسناه بالقفص كان 24 ساعه يجول في ارجاء البيت بكل حريه و براءه :"(

لين قام احد المجريمين الللللللللللللللللللللللللللللللللله يسامحهم

و اهي كانت عندها عداوه سابقه معاه ما ادري ليش "امي" :P

حبسته لاسباب واهيه ما يصدقها اي عقل بشري !!!

حجج عاريه من الصحه حبسته المسكين

و بعد ضغط و حنه

رضت اني اخليه يسكن بغرفتي

طبعا عاش احلى ايام عمره كان ما ينام الا على مخدتي و متلحف بالكمبل

عمركم شفتو كاسكو يتلحف !! والله العظيم كاسكوي كنت الحفه و ينام :")

لمن اقولكم احلى من اليهال :")

و مرت الايام :( واللله يسامحها طبعا تقولي حدود حريته بس دارج ان طلع منها اسويه مجبوس :(

يوم من الايام لقته فوق الدرابزين مسكين مل من الحكره بداري و ردت له الحصار :(

و لي هاللحظه و اهو محبوس

ما رحمته ولا رحمت صغر سنه و براءته حبسته :( :"( ما قالت هذا محروم من اهله

حبسته :(

*=*=*=*=*=*

باربياتي

طول عمري و حياتي ما اتذكر كان عندي باربي مثل البنات و لي اللحين استحقر هاللعبه

الصور اللي بحطهم تتضمن اعمال عنف فيستحسن لذوي القلوب الرهيفه ما يشوفونها :P

احسها لعبه شخيفه و ما منها هدف

ما ادري ليش البنات يحبونها :@

لي هاليوم اتذكر كنت كل ما اروح بيت خالاتي اول ما بنات خالاتي يشوفوني يخشوون باربياتهم لان كنت اقطعهم :P

بس اللحين شوي خف هالحقد و صار عندي باربيه :$

بس باربيتي عجيبه

على جاك سباررو

:D

بهالصوره احلى 3 اشياء

و اللحين انظم لهم هذا

يهبل و لما يبجي يطلع صوت ما يسكت لمن تحطوله المصاصه :")

*=*=*=*=*=*=*

 هالصوره عندنا ياها بالدوانيه

لها سر ما ادري شنو احب اشوفها احس فيها شي مميز عادي اقعد اتمقل فيها ساعه

اهي مفروض انها ليلى حبيبة قيس

احس الصورة فيها شي مخشوش بس شنو ما ادري

و هذي عطتني ياها وحده عزيزه عليي

و هم احبها

احس هم فيها شي

*=*=*=*=*=*=*

في فتره مرت عليي

علقت على الرسم على جسمي :P

\خصوصا ايدي صرت جني وحده من هذول

:P

*=*=*=*=*=*=*

شنو هذي ؟

تفاخيه - بالونه

يمكن اليهال يحبونها اكثر شي بس انا اخاف منها :S

      اخاف من كل شي يتمدد (مطاط)

السير \ البالونه \ الباند مال الراس

لان عندي موقف لا احسد عليه بسبتهم

مره ايام الطفوله  كانت بنت خالتي نايمه عندنا "فجر"

و يدتي كانت ساكنه عندنا

فشنو قالتلي فجر ان ابقعد اسولف مع يدتج و بعدين ايي اقعد معاج

و انا قاعده ناطرتهم يخلصون

ساعه ساعتين 3 مليت و كان يمي علبه (سحاره) خوخ و فوقها سير (رباط مطاطي)

على فكره الصوره من النت بس ان نفس هالسير :(

قمت خذيت السير و حطيته على راسي من الملل انا احب اجرب الاشياء المينونه شوي  :P 

المهم و اسحب السير بعيد و يطق على يبهتي و انا مستانسه قلت خل اجرب اسحبه حيل اشوف اتعور ولا لأ

لان انا اسده شجاعه  :P

قمت و لقراادة الحظ و حظي العاثر !!

الظاهر نزل السير بالغلط و هديته و عيوني مفتوحه و طااااااااخ !

انا من العوار قاعده اناطط و اصرخ و ميته بجي

_عندي سوابق بالتمثيل_

يدتي ما صدقتني و تقول حق فجر مالج شغل قاعده تمثل و انا ابجي و مو قادره اتكلم اخر شي شافو لا صج

و عقب ساعات من البجي و مغامرات عند الدكتور

لفو عيوني الاثنين و ظليت عميه لمدة اسبوعين :(

و من هذاك اليوم و انا متعقده 

احلى شي ان صج كانو يعاملوني جني عميه حسيت بمعاناتهم

و كان في يمعه ببيت خالاتي لي اللحين اذكر

يت بنت خالتي وحده ثانيه قربت مني

و تطل من تحت صوب عيني  

_انا صج مصكرين عيوني بس احس ان اذا احد قرب مني و جذي_

و تقول حق الباجي امبييييه كوين صارت عميه !!

عبالها ان مصكرين عيوني ما اسمع !! لووووووووول

لي اللحين افصل عليها !

و من عقب هالحادثه الاليمه ما ترقعت اول ما فجو اللفاف اللي على عيني رمدت (يصير مثل الماده تصكر العين تصير باليهال اللي توهم مولودين اكثر شي) عيني و صكروها مره ثانيه :@

 *=*=*=*=*=*

=يوم انخطف عمي=

ايام حرب تحرير العراق و بالتحديد سنة 2003

اول ما دشو الامريكان ابوي و عمي كانو يروحون عراق يوزعون اشياء و اغراض حق الناس اللي على الحدود الفقاره

المهم عمي هذا "خالد" انسان طيب و على نيااته

كان على طول يساعد عايلة فقيره يعطيهم ملابس و اغراض تلفونات كل شي

في فتره هبو فيها العراقييين يخطفون الاوادم و يطلبون فديه

المهم ابوي قال حق عمي خلاص اللحين لا نروح لان صار الوضع ما يطمن

المهم قووم يا عمي و سافر من ورا ابوي

ما ادري ليش يومها ولده يالي و قالي كوين ترا ابوي مسافر بس قايلي ما اقول حق ابوج _كنا ساكنين بنفس البيت_

المهم

بعدها جي يمكن نفس اليوم بليل يالي ولد عمي و ميت خرعه لحقي لحقي

شفيك ولا يقولي ابوي يا ذابح واحد يا مات !!!

انا صرت جذي @@ :\ هاااااااا !!

و بديت اعمال الجاسوسيه مالتي اتسمع من ورا الباب و اسمع ابوي يصرخ تخسوون و ما ادري شنو

قلت لا بالله وراها مصيبه !

طبعا انا زعيمة العصابه من عيال عمي و احنا معروفين ما اسويلهم اجتماع مغلق الا ورانا شي قوي  (6) 

و بعد تجسساتو حالة اكتشفنا ان عمي مخطوف و منو خاطفه العايله اللي كان يساعدهم

نزلوه قراج سيارات و خلوه و يت سياره و خطفته

و الاخوان طالبين فديه 250,000 الف كويتي !!

راااااهييين

طبعا انا وولد عمي مسويلنا خطه مصغره ننقذ عمي

كل ما كنت اسمع ابوي كنت اسمعه يزفهم و يسد التلفون

عبالي ان ما يبي يسوي شي

قلت حق ولد عمي عندنا حليين بأيدي و ايدك

1- نروح المسيد و نقول حق الامام يدعي ان ابوك يهدونه

2 - نروح المخفر و نقولهم (حدنااا مو صج تحسوون يهالوو)

طبعا اهو جبان قال خلاص انتي روحي و انا اوقف برا

الحمد الله ما سويناها :P

و بعد اسبوع و ماادري شكثر و حاله

اخر شي ابوي ياب عمي و من 250000 الف عطاهم بس 1400 و سياره مكحينه

لووووووول

بس مو صج كانت ايام ما تنسي :) الله لا يعودها بس لمن اذكر اضحك

*=*=*=*=*=*=*

to be countnued <<... :P