الموضوع طويل يمكن تملون شوي بس راح تستانسون عليه يمكن ؟!!
مثل كل البنات كنت تفكيري سطحي ,, مره بالكليه يزاها الله الف خير وحده معانه بالكلاس اهي ام واحنا كلنا مستجدات فنعتبرها مثل امنا المهم سالفتنا مو هني ,, شفتها مندمجه بفلم او شي اسمه the arrivals و اللي شافوه اشوف نقاشاتهم اهو ان عن ظهور المسيح الدجال و الامام المهدي و النبي عيسى
قلت اكيد شي ديني ما اهتميت وايد اني اشوفه
بيوم قررت اني اشوفه
اول فيديوين ما كانو مفهومين اهو سلسله كامله 50 فيديو و كل فيديو مدته 10 دقايق تقريبا
بس من ثالث فيديو تحس ان خلاص ودك تخلصه بسرعه بس عشان تشوف الجزء اللي بعده
السلسله حدها عجيبه و تفتح العيون على اشياء جدامنا و احنا منعمين عنها !!!
يعني اشياء نسويها و احنا ما ندري شنو علامات نشوفها كل يوم جدامنا
مثلا احنا كلنا ندري ان امريكا دوله مسيحيه شوفو اول كان نوعي راب و روك و هالسوالف والله من شفته حدي تغيرت مو ان تدينت لا قمت لمن بسوي شي افكر !!!
اللحين خل نشوف الدولار الامريكي
لو تدققون من ورا راح تلقون هالهرم و لو تدققون قمة الهرم مو مبنيه ليش ؟؟ و القمه فيها عين ليش ؟؟؟ 
اللحين يمكن تقولون شكو المسيح و ما ادري منو بالدولار و حاله
اهي الحلقات بالضبط ان اللي عن الامام المهدي و النبي عيسى اخر الاجزاء بس يمكن حلقتين او ثلاث بس
من اول الاجزاء يوضحون شلون ان المسيح الدجال بيسيطر علينا و ان شنو الاشياء اللي مسويها لي اللحين !
اللحين الهرم اللي بالدولار بو عين هذا حفظوا شكله اوكي
بالفيديوات اهم يشرحون شنو هالهرم وتحت الهرم و حوالينه كتابات بلغات مو مفهومه هم كل شي له معنى ما ابي اتطرقله (احلى شي الاتطرقله:q) اللحين
لمن تكملون شوي راح تتعقدون بالبدايه انا بالنسبه لي يومين بالضضبط لا اكل و يمي ماي و عصير و بس فيديو و را فيديو و اعيد و اعيد اعيد لمن خلصت كل الاجزاء بيومين تفكيري مو بس تغير !! ان والله والله كل شي اللحين اشوفه بنظره ثانيه للأحسن طبعا !
هم في شي ثاني ان اللحين الفراعنه كل شي بحياتهم مدونينه و عرفناه الا الاهرامات لي اللحين محد يدري بالضبط شلون انبنو بالضبط ؟ لي اللحين محد وصل للطريقه اوكي يستنتجون و يتقعون بس محد يدري شمعنا الفراعنه كل شي كتبوا عن روحهم على الطوف الا شلون سوو الاهرامات ؟؟ ليش يعني ؟؟ حتى التحنيط اكتشفوا اللحين وصفته "السريه"
انزين الفراعنه وين راحو مات فرعون خلصو ؟؟ لا راح مكان و راح تنصدمووووووووووووون لو تدرون اللحين منو من نسلهم !!!!!
طبعا السلسله تطلع حق الواحد قرون لان حدكم راح تندمجون والله انا بهاليومين ما بدلت ملابسي و حالتي خاله ولا شي بس ابي يخلص متشوقه بشوفه كنت
اللحين شي بعد
المسيد (المسجد) ليش قبته دائريه ؟؟ ليش مو مربعه ؟؟ 
و هارد روك مثلث ؟؟ تكففففففففففففه جيكو على القمه بس هاااا مو مكمله ...... صدفه مووو ؟
الله ياما كثر الصدف اللي راح يورونكم ياها والله تنصدمون
و الاهرامات بعد ؟؟؟ ليش مثلثه ؟ و ليش ورا الدولار اهرام ؟؟
راح بالفيديو تدرون ليش
اللحين كل هالقرقه على شنو
بس والله ان انا تفكيري حده تغير حسيت اني كنت عميييييييييييييه قبل لا اشوفه
و مو بس جذي حتن اغاني مادونا و ما ادري منو يشرحون جم وحده 
اييييييييييييييييييييي والببايات مثلا هذا الفيل اللي يطير دامبووو جنه
يورونكم شلون بالحلقات يحطون لنا اشياء باللاوعي لان اليهال شنو لمن يشوفون شي يتركز بمخهم حتن لو كان مو مباشر
و علاء الدين و ما ادري منو بعد
اييييي اهم شي الاييييييييي لان كل ساعه اتذكر شي
بريتني سبيرز ليش صار فيها جذي فجأه قرعت و تخصبقت .. ؟؟؟
والله السلسله حدها تشوق واللي يبي اللنك و منه يشوف الباجي نصيييييييييحه والله ما بتندمون
اعتفد ان راح يعرضونها على الستلايت بعد
بس اللي متأكده منه ان الدي في دي منه راح ينزل على 15 فبراير او 25 ماني متاكده
هاكم اللنك و قولولي رايكم و شنو تغير بتفكيركم اول ما تخلصون منه
P.S هالموضووع من زمان كاتبته ببلوق قديم حقي بس توني احطه بهالبلوق :D
1 comment:
حاولت أكتب كم مره عن الماسوونيين بس ما عرفت كيف أكتب لأنه اللي ما يعرف شو ماسونية ما بيعرف عن شو يالسه أتكلم، و ما بيفهمون شي، و أنا نفسج عرفت هالفلم من وحده بس قلت شكله يخوف بس ما دريت إنه جي بس يوم شفته إنصدمت من الخاطر وين ما أسير أشوف الأبراج و قلبي يعورني نص أبراج دبي مصممه على الطريقة الماسونية و هم مايدروون شكلهم، و بالذات وافي و أنا سمعت إنه صاحب وافي ماسوني بس ما أعرف إذا صح هالخبر أو لا ..
بس صدق عالم الماسونيه عالم غريب
و نفس الغنيه بريتني يوم طلعت من الماسونية تعبت و فضحوها و شو سوو فيها الله يستر عادي يذبحونها آخر شي، لأنه يا مصايب تيبهم يا يموتون على الطريقة الماسونية
بس على فكرة الفلم لاحظت فيه انه 10 % أشياء مب صحيحه لكن الفلم كله صحيح
و أشكرج على هالعرض المبسط
Post a Comment